Қорқыт Ата атындағы Қызылорда университетінің ғылыми кітапханасы

БІЗ ТУРАЛЫ

Қорқыт Ата атындағы Қызылорда университетінің ғылыми кітапханасы оқу орнының жетекші құрылымдық бөлімі ретінде екі миллионға жуық көп салалы дәстүрлі басылымдар мен электронды ресурстары бар, заманауи технологиямен және ақпараттық жүйелермен қамтамасыз етілген ақпарат орталығына айналды. Ғылыми кітапхана төмендегідей құрылымдық бөлімдерден тұрады:

▪  қорды жинақтау және каталогизация бөлімі;

▪  кітапханалық-ақпараттық процестерді цифрландыру бөлімі;

▪  ақпараттық қызмет көрсету бөлімі        

Ғылыми кітапхананың негізгі бағыты – университеттің білім беру жүйесімен ғылыми-зерттеу жұмыстарына қолдау көрсету, кітапхананың ақпараттық ресурстарын кеңейту, технологиялық инфрақұрылымды жетілдіру, оқырмандарға  тиімді ақпараттық орта құру, кітапхана қызметкерлерінің кәсіби құзыреттілігін дамыту.

Бүгінгі таңда электронды кітапхана жұмысы МегаПро (https://library.korkyt.kz/MegaPro/Web). бағдарламасы арқылы толық автоматтандырылған. Университеттің серверіне қосылған компьютерлер арқылы сыртқы электронды ресурстарды  онлайн режимде пайдалану мүмкіндігі бар, атап айтар болсақ: Scopus ДБ-мен (https://www.scopus.com); ClarivateAnalytics  (http://apps.webofknowledge.com).  Ашық отандық электрондық ресурстарды да кеңінен пайдаланады: Әл-фараби кітапханасы, «Қазақстан ашық университеті» платформасы, «І-Kitap»және т. б.

Республикалық жоғары оқу орындары аралық электронды кітапханасының (www.rmebrk.kz) деректер базасын пайдалану мақсатында 5 жылға (2021-2025 ж.ж.) келісім-шарт ұзартылды. 2021 жылдың қыркүйек айынан бастап отандық «ALEM BOOK» (https://new.alemlibrary.kz) электронды кітапханасының базасын пайдалану үшін 5 жылға келісім-шартқа отырды.

Әлеуметтік желілер арқылы кітапханалық сервисті дамыту бағытында Facebook (https://www.facebook.com/profile.php?id=100011998302021), Instagram-да (https://instagram.com/korkytata_kitaphanasy?igshid=NzZlODBkYWE4Ng) парақшаларымыз жұмыс жасайды және университеттің ақпараттық-білім беру ортасында ерекше орын бар.